1986. urtetik hirigintza, ingeniaritza zibila eta arkitektura eremuetan lanean dihardugun diziplina anitzeko taldea gara. Gure taldea hiru zerbitzu esparruetan egituratzen da (Hirigintza, Ingeniaritza zibila eta Arkitektura) antolaketarako beste hiru gune ditugularik (Administrazioa, Komunikazioa eta bezeroa eta Berritzea). Hiru urteko barne prozesuaren ondoren, taldeak Gizarte Berria Eraikitzen gbe-ner estiloa barneratu du pertsonetan oinarritzen den antolaketa aldaketa sortuz.
Gure lantaldean Arkitektoak, Bideetako ingeniariak, Arkitekto teknikoak, Obra publikoetako ingeniari teknikoak, Delineatzaileak, Diseinatzaile grafikoak eta Administratiboak parte hartzen dugu.
estudio.k taldean lan egiten duten pertsona libre eta arduratsuetan oinarria duen erakundea da; bezeroak, eraginkortasuna eta gizartea ardatz izanda. Lanbide bilakaera eta taldearen askatasun ekonomikoa helburuak ditugu eta horretarako lanak herriaren kultura jarraituz garatzen ditugu, giza-garapen jasangarriaren irizpideen bitartez.
